اسلاميات رشيد الحوطي

( ذكر فأن الذكرى تنفع المؤمنين )

بسم الله الرحمن الرحيم




ان الحمدلله نحمده ونستعينه ونعوذ بالله من شرور انفسنا ومن سيئات اعمالنا من يهده الله فلا مضل له ومن يضلل فلا هادي له واشهد ان لا اله الا الله واشهد ان محمد عبده ورسوله

شفت مقطع في اليوتيوب مؤثر جدا اسلام مسيحي على يد داعيه مسلم اسمه ( يوسف استس ) كان بالاصل داعيه مسيحي شدني المقطع صراحه وتبون الجد خنقتني العبره ههههههههه اتحدا اي شخص يشوف المقطع وفيه لو شوي ايمان ما يتأثر الا اذا الله مسود على قلبه هذا شي ثاني عموما مهوب هذا موضوعي لكن للفائده بحط لكم المقطع تشوفونه واتمنى تشوفون المقطع للأخير لان اخر المقطع فيه الفائده وماراح تخسر شي لو شفت للاخير ... طبعا بعد المقطع شفت مقاطع كثيره مؤثره مشابهه لنفس المقطع جلست تقريبا من الساعه 12 بالليل الى صلاة الفجر وكل المقاطع اللي شفتها بجد قويه ومؤثره وتخلي الواحد وده يروح مكه ياخذ عمره على رجليه من الحماس << من سكان الرياض هههههههههههه .. بمعنى حسيت انه تجدد ايماني لان سبحان الله الانسان ينسى مع الدنيا ويقل ايمانه احيانا الا من رحم ربي فلازم كل فتره يتذكر او شي يحرك الايمان في داخله .. شوي فكرت في المقاطع اللي شفتها كلها اكتشفت شي مضحك كل اللي شفته انا اعرفه بالاصل ويمكن اعرف اكثر من هذا كله وانا متاكد ان اغلبكم مثلي يعرفون هالاشياء بشكل عام طبعا اتكلم عن الاسلام وكل مايتعلق فيه ..

فقلت في نفسي سبحان الله اعرف هالاشياء ومع هذا تأثر فيني !! اذكر مره كنت اسولف مع شخص وكان في نيتي انصح لكن بديت بالسالفه بدايه عاديه يعني جبتها كني اسولف معه وكان ساكت لكن بمجرد مابديت اتكلم عن الدين وابي نصح واذكره قاطعني على طول وقال ( ايه ياااااخي هذا عارفينه ) سبحان الله اغلب البشر لما تنصحه في شي مايتقبل النصيحه ولو بغيت تذكره وتنصحه بالدين سبحان الله مايتقبل ترا هذا شي طبيعي في البشر لا تستنكرونه طبعا مو الكل لكن الغالبيه يقول في نفسه مابقى الا انت تجي تعلمني بشي انا افهم منك فيه او يقول تكرر كلام دارسينه وعارفينه من كنا بزران ؟ ..

قال تعالى ( وذكر فأن الذكرى تنفع المؤمنين ) وقال تعالى ( فذكر ان نفعت الذكرى ) وقال تعالى ( وذكر بالقرآن من يخاف وعيد ) ... وقال صلى الله عليه وسلم ( الدين النصيحه ) .. كلنا بشر ننسى ونخطي فالواجب عندما ينصحك احد او يذكرك بالله او بالدين حتى لو كنت تعرفه استمع اليه وخذ العبره فلا انا ولا انت اعلم واحكم من الله سبحانه وتعالى ...

سبحانك اللهم وبحمدك ، أشهد أن لا إله إلا أنت أستغفرك وأتوب إليك